التجاوز إلى المحتوى
كلمات الشاعرة
منى الفؤاد
كنت حاسه …
…….
كنت حاسه
كنت عارفه
إن بعدك غصب عنك
ياما قلبي قال مسامحك
ياما قال بعدك محال
كنت عارفه إن قلبك
لسه ليا..
..وان وعدك مهما طال
ليه يكون كدبة ف حياتي
يا حياتي
أنت أصدق من عيونهم
أنت أغلى من ظنونهم
ياما قلبي كتبلك انت
من سطور الشعر حب
إن قلبي قبلك انت كان صغيَّر
واما شافك باس إديك وبسرعة شب
إن قلبك كان حنين
كان أخويا كان صديقي
كان ف ليل القسوة أب
إن بعدك خوف عليا
ايوه خفت كتير عليا
حتى…….من نفسي ونفسك
من بعيد كنت تراقبني
أصل قلبي هو قلبك
أصل حبي هو حبك
لما اقول الآه بتسمع
جوه قلبك ألف آه
لما أقول البعد عنك
نار بتكوي
موت بيعوي
يبقى ترجع وبإيديك نبض الحياه
ياما ظنوا فيك كتير
ياما قالوا انك ف لحظة يوم تطير
وابقى وحدي شهرزاد وبدون أمير
مين يصدق يوم ظنونهم
مين يصدق يوم جنونهم
أنت ليا غصب عنهم
إن بعدت ف يوم هيجيلك
وف عنيا راح أشيلك
………
كلمات الشاعرة
منى الفؤاد
