الليل جري
كل الأماني اتبعتروا
الليل ضحك
و حلف عليا لأسهره
يا مروحين بالشمس
على أرض الجراح
أنا مُشتري
والحلم سهران للصباح
فلو نويتي تهجري
و قفلتي شبابيك السماح
خُدي دفتري
و ادّثري
من دم حلمي المستباح
و ارمي الورق
من غير قلق
قلبي عشق
و العشق ترياق الجراح
يا مروحة بالفجر
هاتي النور بقى
شبعان شقا
والقلب طار م الشرنقة
أول ما ضي عينيكي لاح
شطين وجع
قلبي انخلغ
أول ماندهت يا جدع
وفاتتني تايه ف البراح
الليل صحي
قالي اختشي
بوست القمر على خدها
وهربت مع نور الصباح
دي هلوسة
ساعة مسا
قلبي اختشى
صلى العشا
وحضن كتابه و سبحته
واستنى حي على الفلاح
كلمات الشاعرة
الأم لولو
