يا ليل يا شاهد
يا ليل يا شاهد على المشوار
شايل هموم القلب ليل ونهار
أضحك للخلق وأنا محتار
وأقول بكرة تفرج الأقدار
مش كل صاحب يبقى ستار
ولا كل ضحكة معناها دار
فيه ناس بتلبس وش الأنوار
وجوا القلوب ساكنهم غدر وشرار
مشيت كتير فى سكة الأشرار
ودورت على صاحب وقت الانكسار
لقيت الجدع وقت الاختبار
ولقيت ناس بتبيعك بأبخس الأسعار
كل ما أقول إن الفرج جار
تقوم ريح الهم تزيد النار
وأقول يا ربى أنا محتار
إنت الكريم وإنت الستار
يا رب نجينا من أهل الغدر
ومن كل قلب مليان شرار
واستر طريقنا من كيد الأشرار
واكتب لنا رزق
من غير حساب ولا انتظار
خلى لنا فى الدنيا ناس أخيار
تسند خطانا وقت الاعصار
وتبقى المحبة بينهم شعار
ولا يبيعوا الود مهما صار
يا رب يا واسع الأسرار
يا عالم الحال والأفكار
افتح لنا بابك يا غفار
وخلى ختام العمر
أفراح وأنوار
الحن طليس
رفعت للتصميم
