كلمات
الشاعر ابراهيم عوض
فين حبايبك ؟
………….
إللي فيّا رشقته عمرك
بُكره راح يرشَق ف قلبك
سهم زيفك .. سهم كدبك
سهم حقدك .. سهم غدرك
و اللي صابني راح يصيبك
فين تروح من عدل ربّك ؟
و اللي ياما قلته عنّي
لمّا كنت بحسن ظنّي
و امّا فيك إحساسي خانّني
و اللي ياما كنت تنكر
إنّه فيك لحظة ما اعاتبك !
بكره تسأل : فين حبايبك ؟
لمّا كل الخلق تعرف
إنت أيه .. أو أيه حقيقتك ؟
و امّا تلقى الكل فاتك
إفتكر كل اللي فاتك
و افتكر قِصّة حياتك
لمّا كنت كتير بتظلم
ف البشر و تعيش لذاتك
و افتكر أيام ما كُنّا
ليك سكن روحنا و عيونّنا
لمّا عندك يومها هونّنا
و امّا رخّصت اللي بينّنا
و اللي صابنا العمر منّك
ح تلاقيه ف القلب صايبك
يومها تشكي ما تلاقيش
حد جنبك كان بعيش
تبقى وحدك ف الأفيش
تلعن الأيّام و تسأل :
إنت مين أو مين يجاوبك ؟!!
كلمات
الشاعر ابراهيم عوض
