كلمات الشاعر 

خالد عبد المعطى

ضرب الجرس

افتح دفاتر الغياب 

قيد اسامى كل من صابه الخرس ..

..

و اكتب حضر

كل اللى بأحلامه اتغدر

و اللى بأمر القدر

ترك لغيره ضهر الفرس ..

..

و اكتب زرع و اكتب حصد

و عاش بطل و مات اسد

اللى بدماه روي شجرنا اللى اتغرس ..

..

اكتب فى وسط السطر اه

و اصرخ فى اعداء الحياه

لينا وطن راجع صباه

طول ما ارواحنا حرس ..

..

درس انهارده ابتدا

لكنه طول ما انتهاش

و صوتى اصبح له صدا

اكمن جيل كامل مجاش

اكتب ذهب و اكتب نهب

و اكتب لهب و اكتب عبث ..

..

ضرب الجرس

افتح دفاتر الغياب

قيد اسامى كل من صابه الخرس ..

كلمات الشاعر 

خالد عبد المعطى

Khaled Abdelmoaaty