التجاوز إلى المحتوى
كلمات
الشاعر … هانى السعداوى
عارف لمّا الحب
بيكبر جوه قلوبنا
الصافيه الرايقه
بيحصل ايه
تسمع دق النبض
الدافي سابح فوق
الموج الصافي
والفراشات
ترقص حواليه
تلقي نسايم
شوق ومحبه
ترسم فوق
الضجكه شفايف
اللي يشوفها
ياعيني عليه
ولمّا تحس بروحك
رايحه وماشي
بتبكي وعينك
سارحه يبقي
لمحت الدمعه
الحايره جوّه عنيه
لمّا تلاقي حبيبك
جالك ساب الدنيا
بحالها عشانك
شيله جوّه
حبابي عنيك
وقوله تعالي
ياقلبي ياغالي
وامسك ايده
وتبّت فيه
عارف فجأه لمّا
تشوف الضلمه
نهار ولما قلوبنا
الخضرا الصافيه
تبقي عمار
اعرف ان الحب
خلاص عشش
جوّه قلوب الناس
وان الفرحه
لابسه الطرحه
وماسكه ايديه
كلمات
الشاعر … هانى السعداوى
