التجاوز إلى المحتوى
كلمات
الشاعر … رفعت العربي التميمي
هستناك العمر كله،
حتى لو طال في البعد غيابك،
واللي هييجي على قلبي هقوله،
في بنك الحب حطيته في حسابك.
صبري طويل متخفش عليا،
ولا حد غيرك يملالي عيني،
منت ملكت القلب وفيا،
ساكن في الدم وشراييني.
واحشني زعلك حتى عتابك،
واحشني غيرتك لما بتغضب،
واحشني اشوف شكلك في عنادك،
وتعمل مش سامع وبتكدب.
كان بيزيد الشوق في غرامك،
واعد غيابك على إيدي واحسب،
إتعودت عليك وحياتك،
مهما كتبلي في حبك ذُله.
دا الحب اللي مفهش صفاتك،
عشاقه على طول بيملو،
هستناك العمر كله،
حتى لو طال في البعد غيابك.
ـــــــــــــــــــــــــــــــــــــــــــــــــــــــــ
كلمات
الشاعر … رفعت العربي التميمي
