مالك يا دنيا
__________
انا المغلوب علي امري
وواخد م الزمان شلوط
وكل ما اقول خلاص هانت
يجيني الضرب بالنبوت
وعايش بس مش عايش
وعايش بس عيشة موت
في ليلي الهم سامرني
وفي نهاري النهار ما يفوت
يا دنيا دايره دوّاره
ولمّه الكل في الزعبوط
ونشفتي في ريق الناس
وسايقاهم بعلو الصوت
يعيشوا يطلبوا اللقمه
ولو كانت يادوب فتفوت
وجرحك في القلوب نافذ
ولا بيصحي ولا بيموت
يا دنيا دَنِيّه مكّاره
ولا بترحم ولا بتفوت
امانه تخِفّي وتحنّي
يا حَطّه الكل جِوّه تابوت
كلمات الشاعر / عبد الرحيم على
Abdelrahimaly
Discussion about this post