كلمات الشاعرة 

وفاء على

اتقلب السحر على الساحر. 

والسر أهو بان 

في الوش حبيبك وف ضهرك 

بيكون تِعبان

بيخطط يأذيك ويعيبك 

بيغشك وعينيه على جيبك 

 فى الأزمة يبيعك ويسيبك 

ما هو أصله جبان

بيدور على حاجة تدينك 

 من جنسك وكمان من دينك 

بيصاحب كل اللي يهينك

 قدام الكل يبان غلبان

 وسطينا كتير من نفس النوع 

الخاين وكمان الجربوع 

 العيش والملح طفاسة وجوع 

ايش جاب الواطي لناس جدعان 

وماحدش فينا عايش خالي 

  شياطين م الإنسان بتلالي

واهو شوفنا هناء عبد الوالي 

ف الأصل روشـــــــــــــان 

_____________________

كلمات الشاعرة 

وفاء على