كلمات الشاعرة 

آمال جراد

خواطر باتت تؤرقني

✍️……..

شد حيلك

خد نفس ع الاخر

لسه الطريق يدوب

بيبتدي والمشوار

طويل 

عمدان النور انطفت 

عتمه…..يانهار 

حتي الارض بقت بور

تزرعها مهما تزرعها

ماتلاقي حصاد

العود الصلب انكسر

والقوي انهار 

عزة النفس فين 

والبيوت خربت

لما هجروها العمار

بقينا بعاد واحنا مقفول 

علينا باب واحد

كنا الاول بنتخانق  

دقايق و نتصالح

ياعم فوووق

 الكل فين رايح

اشبار في اشبار

حتي الكفن نوع واحد

ياريت تلحق تختار

قوم بسرعه للزعلان 

صالح…..

وأمنه امانه

 مايدعي عليك

ياعم انسي 

فينك وفين بكره….

انسي خالص امبارح

ياريت تخليك

ديما هيمان وسارح

ده ربك كريم بيغفر

و يسامح 

نبطل نعيب ف الحبايب

ونلعن الملامح

كلمات الشاعرة 

آمال جراد

Amal Grad