بقلم الشاعرة منى بابوري
دنيتكم صعيبة علي
ما نجمت فيها نعيش
و مهما وجوهكم ضحكت لي
هالضحكة ما تعنينيش
الضحكة الي فيها نية
تحزني و ما تفرحنيش
و اذا حسبتوهالي هدية
هديتكم ما تلزمنيش
يكفي و يوفي الي في
بلاش بيها لو ما تصافونيش
و اش نعمل بيها الهدية
كي طلعتوا ما تحبونيش
الضحكة مربوطة بالنية
و بلا بيها منجمش نعيش
يا م القلب تكون الضحكة
يا خلوها و ما تضحكوليش
الضحكة فيها معاني حية
كي نحسها نستمتع و نعيش
يا تكون حقيقة و مية مية
يا هزوها و ما ترجعوليش
محلاها الضحكة الحقانية
فيها فرحة و بيها نعيش
و لو فيها النية الدونية
تبكيني و ما تسعدنيش
بقلم الشاعرة منى بابوري
