الشاعرة … مروة جهمي بيرم
باللهجة العامية
عم تبرد يا قلبي مين بيدفيك ؟؟
الّليل طويل والسّواد
تكحل فيك …
بلفّلف حرامك وبناجيك
بتغطى بعطرك
بحتمي فيك
.
بفتش عليك…بطير بهواك
بصلي للعشق …
بركي
بلاقيك…
بجمع صور العمر
بتصرخلي الذكرى
والسنين بتناديك
بحضن المخدّي
المعتقة بخمرتك
اللي رحيتها فيك …
بلمّلم قصص الحبّ
بشمشم حرامك
بلاقي الوجع
عم يواسيك …
بسافر بروحي
بغرق بالدموع …
وبضوي الشموع …
سهراني أنا عم ناجيك
بطوف خيالك إدامي
بينفجر بركان الشوق
بيولع الحنان
وقبالي بلاقيك
