بقلم : سلمى صوفاناتي
كان ياما كان .. في سالف الازمان .. ولايحلى الكلام .. الابذكر النبي .. عليه الصلاة والسلام ..
متولي شب دغري .. جدع متريش واصلي .. لكن ياخسارة ! مافيش حاجة تكمل عشان كان دايما متعلق بالسيجارة ..
وياعيني عليه كل يوم بيصحى الصبح بدري ويروح الشغل .. بعد مايطفح السجارة ومعاها القهوة ودايما نلاقيه ياحبة عيني .. دماغه مصدعة ومتصربعة .. ومش بيروق الا لما يخلص عالدلة كلها .. من راسها لسفلها ..
في الحقيقة والد متولي مكنش لوه بالحاجات دي .. كان يادوبك بياخد لفافتين حشيش .. وبيلحق للتلت نسوان .. سمية واشواق وجيهان .. الاولى هبلة .. والتانية رفيعة ..والتالتة كانت باربعة ..
اما عادة التدخين بتاعة صاحبنها كان اكتسبها من صحابه .. كانوا دايما بيرموله حتتين سجاير تحرق جسمه .. وتنشف دمه .. وزي ماقالوا بالامتال .. ياما جاب الغراب لامه .. وبالمرحلة الاعدادية وتحديدا لما كان جرص الفسحة بيضرب .. كان صاحبنا بيغرق بالحمام .. من لفافة للفافة .. يوم في الحمام ويوم بالقرافة .. بيدخن ويسيخ ولمايخلص بيخرج ريحته عاملة زي الفسيخ .. وبعد ماكان وشه منور ومدور .. بقى شكله عامل زي العجوز .. وبقت مناخيره زي الكوز .. ودارت الايام .. ومرت الايام .. وماكنش بينه وبين علبة السجاير لابعاد ولا خصام .. كل يوم كان بيكح وينح زي العواجيز .. وبيشخر زي المعيز .. مع انه كان عمره صغير .. مابقاش عندو اي تركيز .. وحكاية العشق الافلاطوني لعلبة السجاير بقت على كل لسان .. مش قادر يفارقها زي مايكون عاملاله عمل .. بيكتب فيها شعر واوزان ..
لغاية ماراح يوم عند الدكتور وبعد ماكشف عليه .. وعرف انه مصاب بالسرطان .. التفت وقله :
هو انت كل يوم والتاني عاوز تشرفني العيادة وغاوي دفع فلوس .. جاوب متولي : اعمل ايه يادكتور .. مش قادر على بعدها .. دي حكاية عشق طويلة .. طول عمرها مش بتفارق جيبي .. وبسمع حسها .. اوعى تسيبني ياحبيبي .. هنا بقى الدكتور يسرخ : ملعون ابو الحريم .. والصنف القديم .. مش بتبص للمراية .. راسك بقى اقرع زي البامية المتامعة .. ماتبطل سجاير وكفاياك صربعة .. وبيوم قالتله علبة السجاير : والله ياحبيبي .. زهات من سماع الانين .. عاوزة اروح لحد غيرك .. قلها اوام كده نسيتي عشرة سنين .. انا خلاص اتعلقت بيكي .. وناوي ياننة اجيب الماذون واكتب عليكي .. قالتلوا وظيفتي لحد هنا خلصت على اكمل وجه .. كان باعتني لعندك المارد دمنهور احرق جدتك .. وشوه سحنتك .. بلاش تركض وراي زي الجربوع .. ارجع ولف .. وسك عالموضوع ..
Discussion about this post