كلمات الشاعر
رائد جبار الذهبي
في مواقف
في الوجود ..
ماتتنسيش
يبقى فيها كمية
بطوله..
ماتتحكيش
حاجه تستاهل عشانها
إنك تعيش
يبقى فيها الخير
حدود ..
ماتنتهيش
لما توقف بين
خيار
إنك تكون أو لاتكون
والإرادة جوه منك
زي جيش
تبقى ثابت على
مبدأ ..
ولا تتحنيش
والحياه مضمونها
واحد ..
من غير كرامه
ماتساويش
في مواقف
زي لحظة شمس تشرق
نورها يطرد كل ظلمه
يملا كل الدنيا ضي
ماينطفيش
في مواقف
يتعدل فيها المسار
يبقى ليها ألف معنى
وألف شأن واعتبار
لحظه فيها تكون بتعلى
والثبات جواك قرار
في مواقف
تبقى اقوه من الرصاص
حاجه زي فعل نادر
شيء غريب وعرض خاص
أمل يكبر حبه حبه
ويبقى بوابة خلاص
في مواقف
منها تتعلم دروس
عزم يتحول لحاله
وعز يطرح في النفوس
قوه تكسر كل قيد
ثوره ع الطغيان تدوس
في مواقف
تدي معنى للحياة
تبقى صوت للحق عالي
يطرد الخوف والسكات
لما بتواجه عواصف
وانت بتزيد في الثبات
في مواقف
تحسم الشك باليقين
حاجه زي حد فاصل
بين شمال وبين يمين
خطوه فيها الحق غايه
والطريق واضح مبين
حلم يرسم للبدايه
يهدي درب السالكين
والفرق بين موقف وثاني
يتحسب جوه المحتوى
والغرض من الهدف
والمضامين
وف دلالات المعاني
لحظه فيها النور يشقشق
تتولد منها الأماني
كلمات الشاعر
رائد جبار الذهبي
Discussion about this post