الجنسية: فلسطيني” …

بقلم … فاطمة البلطجي

” الجنسية: فلسطيني”

أرز وروابي

وجماعة أصحابي

بوقف للنشيد

وبسلّم عالعميد

بصبّح على جاري

وبحرس دارو وداري

ولمّا الجد يجود

بدافع علحدود

ليه بتنكر وجودي

وهمّك تكسر عودي

لا بملكي بتعترف

وإذلالي بتحترف

تعليمي محدود

وشغلي مرصود

لا فيني كون

طبيب ولا محامي

ولا دافع عن مظلوم

ولا أحبس حرامي

بس فيني عمّر

أحفر وعتٌل

عراسي شيل الطين

وشغّيل بفرن طحين

يا عمّي أنا مخلوق

بس صدري مخنوق

ما بدّك جنسية تعطيني

ولا تعبي توفّيني

لو إمي لبنانية

من لحمي ودمّي

يا خيّ حل عني

بدك كون إبن بالتبنّي

عندي وطن وزيتون

وخابية بوسع الكون

لو ما إتّفقتو عليِّ

ما كنت أنا هون

بقلم … فاطمة البلطجي

لبنان / صيدا

من كتابي رحلة الياسمين