تسوى إيه؟

تِسوى إيه؟

إمسحى بإيديكى
اللى فات
بس أنا مش هسيبك
عُرضه للخوف
والدمار
طول ماصورتك جوا
قلبي
أبداً أبداً مافي
إنكسار
سيبي روحي اللي ف
وريدك
شيلي حيرتك
سيبى صورتك
سيبي نسمه
م الأمل
عارفه أصلاً لما
غيبتي؟؟
لما روحتي ولما كُنتي
لما سيبتك وإنتى
سيبتي
خدتي من جوايا إيه؟؟؟
خدتي روحي….
خدتي قلبي اللي
إنتي أصلاً
ساكنه فيه
خدتي حاجه بألف
حاجه
والألم باين عليه
هاتي عينك تبكي
حبه
وإبقي رُوحي من
سُكات
هاتي إيدك..كوني
جانبي
خففي عني العِياط
وإمسحي بإيديكي
دمعه
سايبه وياها الآهات
تسوي إيه كلمة
حبيبتي
لما أقولها
وإنتى بعيده عني ،،،
تسوي إيه ؟؟
………………….
عاشق البنفسج
جلال محمد
مصر.. كفرالشيخ
2023/9/30