في حضورك .. للوجع هِـيـبـه
باهرب من عينى وانا حاضناك
في صوتك.. نـاي وتـغـريـبـة
بأغير م الناس عشان سامعاك
والأصعب واللي مش طايقاه
كلامى و كُلّى… بقي معناك
ما تتخيّلش.. في بعادك
بأموت.. والروح بتبقي معاك
ملامحى بتتبٍدل.. وتفور
وبأفتح ع الغياب شبّاك
بأغمّض فيك.. واعدّى السور
واعيش عصفور علي الأسلاك
و أبيّت ع الشجر… في الطَل
وأحنّي غُنايا.. من رؤياك
هاموت على عهدى وادعى الله
يوّكل لك… بـ عشقي…. مَلاك.
……………………………..
كلمات الشاعرة
عفاف أحمد التركى
من ديوان ابن الهوي
