أنا سبت فراغ وبعون الله
مافي حد هيقدر من بعدي يجي يسده
والجسر اللى أنا مده عشانك اتهد خلاص
ومفيش اللى هيقدر. بعدي يجي يمده
والحزن اللى سجنته في زنازين وقت وجودي
اهو بات مطلوق
أتمنى تلاقي شجيع تاني يقدر على حزنك ويهده
أنا كنت رسول من عند الله بعته عشانك
يستصلح أرضك ومشاعرك ويكسر كُتُلات أحزانك
ويكون العوض المقسوم لك من بعد ما كل الكون خانك
ولكن الإنسان إن يكفر بالنعمه تزول
والأرض الخضرا تفاصيلها تتحول بور
وأنتي كفرتي
ورميتي النعمه إللى عشانها صليتي ليالي وكبرتي
فبلاش بقى لوم على أيامك
أنتي إللى اختارتي وقرارتي
اختارتي النار مع أن الجنه بتفاصيلها ملك يمينك
ورميتي اللى شريكي بروحه
ومشيتي لناس والله مهماش عاوزينك
ولا حسينك ولا شايفينك ولا سامعينك
ولا لحظة بيقدر احساسهم
يتهجى الحسن إللى في عينك
كل إللى جذبهم يوم ليكي
الخاتم الحلو اللى بيلمع جوه يمينك
فبلاش بقى لوم على اقدارك والله مهوش ذنب الأقدار
وبلاش تستني في ليل ضلمه يتحول فجأة ويبقي نهار
أنتي إللى اختارتي وقرارتي واديتي مساحه لاحساسك
والقلب مابين حضني وبنهم هو إللى أختار
البعد قرار والقرب قرار
والعقل مابين قربي وبعدى كان حاسم جداً لما أختار
فبلاش بقى لوم على اقدارك والله مهوش ذنب الأقدار
كلمات الشاعر
حماده عركز
Hamada Arkaz
Discussion about this post