كان زمان
كلمات الشاعر
عبد الرحيم على
________
ملاقيش معاك حبّة محبة
وحبّتين عشرة سنين
ملاقيش حفان صبر فى بلدنا
يشبع القلب الحزين
ملاقيش معاك قنطار مودة
وناس غلابةو طيبين
ملاقيش معاك قفطان وسبحة
وريحة من عند الحسين
ملاقيش معاك قلب يجاورنى
جنبه أشعر بالامان
والا نخوة ناس تجيرنى
لو يضيق بى المكان
والا موجة حب صافيه
ترجع الزمن اللى كان
قام مبربش والتف لى
وقال بتحلم،كان زمان
كلمات الشاعر
عبد الرحيم على
Abdelrahimaly
Discussion about this post