الورد قاعد يشتكي

الورد قاعد يشتكي م الري

والفجر حاسس إن الندى بقى ني

والشمس حرقت كل النهار الجي

وانا وانت لسه بنشتري حبة أمل

من بياعين الضي

الشكوى صبحت زي الروتين ف البق

حتى الخطاوي ..

عماله فيا تزق

والطبله سكنت جوه عقلي تدق

والصبر مالي كل الجيوب صبار

كل الحمير مابقتش تاكل فول

حتى البهايم ..

خد عليقها الغول

والقدر فارد دراعه جنب القمر مذهول

وانا وانت دايما نتشرب

جوه الكاسات في البار

كل السحاب قاعد يمطر وجع

والشمس حجبت فوق جبينها هموم

والنوم مابقاش بييجي لا ف نهار ولا ليل

النوم ينبت بعد هد الحيل

وساعات بيتاوب ..

على نغمة الزمار

كلمات شاعر البحر

السيد عبدالفتاح