الشمس …

كلمات الشاعرة 

حنان الجوهرى

( الشمس  ) 

تقول للشمس تعاليلى 

غيابِك عنى زاد لِيلى 

ومش باين لعينى نهار 

وآه م العتمة ياويلى 

وليه تبقيَ حياتى غيوم

ومن ضَيِك اعيش محروم

انام واصحىَ وانا مهموم

وحالفة عنى لـ تـغيبى 

ترد تقول انا راح اعـود 

ما بتأخرش يا حبيبي 

عشان لسه الأمل موجود 

اكيد الـفجر راح يجى 

فـَ انا واللهَ كتير بدعى 

اعيش لجلك واقوم بدري

وانوّر لك منين ما تكون 

واجيلك كُلى لهفة وشوق  

ومليالك كفوفي شروق 

ونُور مايساعُه كل الكون 

عشان قلبك مالِيه الخير 

وطول عمره بـِ يدى كتير 

رصيد الحب عنده كبير 

وعاشق للـكـرم والـجُـود 

كلمات الشاعرة 

حنان الجوهرى 

Hanan El Gohary