اكتب …

 كلمات الشاعرة 

حنان الجوهرى

( اكتب  ) 

جَهِز حروفك ، حضّر التشكيل 

قوم سَمِى وابدء سَرد نَص جميل

اكتب معانى حلوة تسعدنا

وابعد عن الحرف اللى دمه تقيل 

اكتب عن الحلم اللى جوانا 

اكتب عن الحب اللى حاسين بيه

اكتب عن الفرحة اللى سكنانا 

وعن القمر لحظة ماشوفنا عِنيه  

اكتب كلام يشبِه غُنا والحان  

يشبه لرقصة وقتها قد حان  

خلِي اللى يقرا مُوده يتغَير

ويفُك حتماً حتى لو زعلان 

اكتب حروف عُود فُل عليَ ياسمين 

تطرح نسايم تشفِي كل حزين 

ينسى الهموم ويحس انّه خلاص 

نَال السعادة بعد حزن سنين 

اكتب حروف بالماس بتتاقل 

تقنع قلوبنا ان الوجع ساهل 

واوصف حالتنا لمّا نتفائل 

بـِ إن بكره جي بالتعويض 

 كلمات الشاعرة 

حنان الجوهرى

Hanan El Gohary