هزوكى

هزوكى، مشيتي وسبتينى

ودموعك سحت من عينى

فرحة عُزالى وعُزالك

مع بُعدك، نار وبتكوينى.

كان ليه م الأول سلمتى

وبصمتى بعشقك لحنينى.

معقول تاخدينى وترميني

سيبى طيب حاجه تعزينى

وبراحتك شدى حبال قلبى

خلينى اتعذب وزيدينى .

فاكره العزال يوم م شافونا

وسهامهم جت فى اللى جابونا.

من يومها وحبك فى النازل

وانا طالع نازل بابكينى.

صدقى بالله اللى جمعنا…

وحدك بس انتِ ملكتينى.

ياخسارة عشقى اللى اتبعزق

طب اخطى ازاى بره انينى.

لا انا قادر الومك فى بعادك

ولا ها اقدر على جرح سنيني.

ف سيبينى اتنهد مع روحى

وان جيت فى خيالك انسيني

لا هااقولك كانى ولامانى

غير بس لروحى ترُدينى

كلمات الشاعر

إبراهيم عاشور عاشور