قصيدة وديوان

مشيت ويا حروف الشعر في كل إتجاه

ونسجت خيط العلم دبت فيه الحياه

وبين خطاوي الحرف تعلا معاه الجباه

ومن حكاوي الغربه دندنت بغناه

ورميت له طوق الحكمه.. قول طوق النجاه

وهديت على شط البحور

وركنت قلبك فوق مداه

ولمحت بين شطين وبحر مدرسة الحياه

علمت فيها وعلمت ف نجوم سماه

وناديت كتير

وناجيت ف نيلنا بليله يعزف الف اااااه

وحكيت نجاوي النيل مخلوطه بثراه

وأنا مهما  أوصف ولا أقول

يلمع صدى  كل الكلام مع نور ضياه

واللي ما قاله البحر قاله هو بصوت غناه

والشمس بشعاعها الدهب  تفهم لغاه

تهتف باسمه

وتستمنى تهتدي هى بهداه

تراتيل و رتلها الزمن ورا  صوته يااااااه

وحمل أماني عمرنا وياها تاه

وعلى جناح أمنيه شارده

واصل طريقه لمنتهاه

ومع الحنين والبوح

سكن حياة الروح

على شط بحر الهوى أصداف كتير بتبوح

موصول حديثهم موده مش ع الجراح بتنوح

زي الآلئ بتضوي في أي حته تروح

من نورها قالوا عليها

أصداف البحر ولآلئ الروح

وهقولك ايه

واصل مسيرك ف الحياة

كل اللي يزرع خير .. أكيد ف يوم يلقاه

والخير معاك موصول

دايما تقولشي هطول

على شط بحر الجمال

واقفين بقالنا زمان

وكل شيء بأصول

كلمات الشاعرة

شيرين عبد السلام

إهداء لأستاذي الجليل وشاعرنا القدير

وداعمي …   سيدي وتاج رأسي

وأبي الروحي الغالي د. جمال مرسي

وكل الكلمات لاتفي ولا تكفي