كلها أوهام

كُلها أوهام بنعِيشها

بإيدينا نقعد ننقُشها

بنطَبقها .. وبنِفرشها

كوابيس مفرودة بأحلام

والحالة أصلًا مُش ناقصة

اللي بيجي ينَغَصها

يجلِدها ومَرًة يرَقَصها

علي حِس مرارة الأيام

كلها أوهام مالهاش آخر

كل ما نِتقَـدِم .. نِتـٱخِر

عالَم مجنون

عالَم ساخِر

إن كان خَرَس

أو حتي كلام

بنعَذِب روحنا ونجلِدها

نتغرًب عنها ونبعِدها

نحاول نسبَق مواعيدها

واللي ورا نخليه قُدام

متشعلقين في حبال دايبة

في دنيا مِنفاتة وسايبة

وإحتَرنا مع عالَم خايبة

مابين ديـابة وبين أغـنـام

… كلها أوهام …

كلمات

الشاعر احمد الشامى