هرب الكلام مني ..!!
كلمات الشاعر والأديب
أحمد إسماعيل إسماعيل
هرب الكلام مني ..!!
وسكاتي جنني
يمكن …
عشاني حزين
ولا عشان سني
ولا عشان الكلام …
بالغم متحني
صدقني يامقتول
شفت الكلام عصفور
بيرف كالمخبول
سابني…
وطار لبعيد
شفت الحروف عناقيد
تركب نخيل وجريد
جنب البكي … واقفة
خايفة..!!
صحيح خايفة
والدمع في النني
وانا اللي حلقي ملان
والصرخة خنقاني
ارجع ياطير ..
يابيان
ارقص علي لساني
خليني اقول
واقول
عشان …
انا المقتول
بالغدر والخسة
وسكاتي جنني
سكاتي
جنني
كلمات الشاعر والأديب
أحمد إسماعيل إسماعيل
رفعت للتصميم
