ممكن تقولي انسي ازاي …

   كلمات الشاعرة 

عزة أحمد ابوزيد ابوزيد

ممكن تقولي انسي ازاي 

وابدائها تاني من جديد 

من بعد حزن وبعد صبر

ضغطه ريموت اكون سعيد 

انا من بشر مش من حديد 

والحزن ناهش جنتي 

والكسوة كانت من صديد

وازاي الون دنيتي

واطرطش الكون بالزهور 

انا قلبي ماتت ضحكته

زي الزهور ف ارض بور

انا نفسي الاقي الطبطبه 

والقي الربيع يملا الغيطان

ويرعرع القلب ال كان 

مليان شقي وآهين بقي

الهم كان منقوش ف قلبي 

 وكان متين 

لقيتها نازله دمعتي 

أقول لك ايه ربي المعين 

كمان يا دنيا اتفرجي 

طول عمرى ثابتة مهمنيش

كان نفسي فيك يوم أعيش

  حبه كلام

 متمرمغين جوه الورق 

خلو الكلام مني اتدلق

 صحوا الجراح جوه الوريد

 تتشكشك الروح بالألم 

قلبي اتظلم 

وكتب النهايه ع الورق

اخر كلام بكلمتك 

ممنوع تعيش ممنوع تحب

انسي تمام انك بشر

     كلمات الشاعرة 

عزة أحمد ابوزيد ابوزيد