مزاجي مش حلو لكن عايش …

كلمات الشاعر 

محمود يحيى

مزاجي مش حلو لكن عايش على أمل الموت

بصحى يوماتي أقول يا خساره 

أهو عدى الدور وانا مسمعتوش ..

مزنوق ف وشوش

ووشوش مزنوقه ف أحلامي

والصبر تذاكر للسيرك المنصوب فيا ..

وحدي ومتعلق على حبل الغربه ف روحي

بلياتشو حزين كل ما يبكي 

الدنيا تزيد ضحك وتنطيط ..

أنا بسند آخر دمعه ياهو .. على أول حيط

مش قابل أكمل عمري معاكوا

أنا ما اشبهكوش ..

وساعات أكتر أنا ماشبهنيش

جوايا أماني بتتغير

وببدل ناس كنت فاكرهم ونسي وضلي

بحتار فعلا في اللي فاضلي

وبخاف أنزل معرفش أرجع

واخسر تذكرتي بدون داعي

والقطر يفوتني وملحقهوش ..

مابقيتش بشوف حلمي ف عينك وكإنك حد أنا معرفهوش .

كلمات الشاعر 

محمود يحيى

Mahmoud Yehya