خروج آمن

تغير أتجاه القلب….مش ساهل

ولو حتي مشاعرنا حنتجاهل

ده كان الود بينا كبير…لو فاكر ….ده كان فاجر

ومش هين علي قلوبنا نكون قاسيين…

ياعم القلب ماتقوله …وفكره باللي كان بينا ..ماكنش قليل

ده كان وقت أما نتنفس …تشق الآهه قلب الليل ..

ده كان نغمه  صبا عاشقين . وكان مربوط بطرف حرير وكان زقزقه عصافير…وحلم جميل

صدقني ماليش في اللك والتحريف …ولا في حكايات ولا في تخاريف

وليا بس في التوليف علي صحابي وأحبابي وناس مالهمش في الكدب اللي بيفرق مابين

أحباب ولا أصحاب .!

ياناسي القلب في مكانه ولا أتحرك ..

ده مستني تيجي له  يوم وتتفرج …

علي الحب اللي مالي الكون وأحلامه وتفاسيره وألوانه ومواويله …

تشق البحر علشانه تصطاده عيونك من ديار داره

فتغير المسار مش سهل

ده الحب الحقيقي في سهل ومحتاج  له سفر ودليل ….

وسباحه في  بحر  وويل

وأنا والله محتاجه مساعدة قلب كان جنبي ..

يمد أيديه يطمني ويهزم كل خوف جهلي ..

في رحله رعب جوه بحور ماليش فيها غير قلبك يمهد لي …

(خروج آمن)

ياعم القلب ماتقوله.. كفايه عناد  وهات ضله  وضلل بيه علي الأحلام ….كفايه ضلام …

كفايه أيام

كسوف ضيه .. وخسوف نبضى !!

فتغير أتجاه القلب ناحية غيره  مش ممكن وصدقني

ده شئ مش سهل..

كلمات الشاعرة

هيومة حمزة

باكينام حمزه