والله يا صاحبي

كلمات الشاعر / وائل رشوان

قلبي إللي مات
كان مات قبل الجسد فيا
قلبي اللي مات كان مات والله قبليا

وأدينا أهوه فـ نعشيين

طب مين هـ يدفن مين ؟!
أو حتى هـ يعزي ؟!
وأنا أصل كان حظي إن الصحاب إتنين

كان نفسي
حد امين يدعي وينعيني
كان نفسي حضن أخير ويبوسني بين عيني

كان نفسي ألاقي عنين تبكيني فـ وداعي
ما أنا أصلي كنت وحيد مخلوق مالوش داعي

لا ملاك سمع صرخته ولا حد جه شاله
كل اللي فات أشباح عايشنله فـ خياله

وسؤال بـ ألف جواب في النعش زنقني
مين اللي لسه ممد فـ إيديه وكَل مني ؟!✋

Wael Rshwan