كلمات الشاعرة 

هالة العكرمى

قصيدة .. مين ؟؟؟

……

مين يشترى العمر منى 

وعليه شوية محبة 

مين يسعد القلب يوم

ويكونلى كل الأحبة

مين يبيع لى الفرحه مين

 متلونة بياسمين و فضه

متعطرة بدمى .. ومزينه الطرحه

مين اللى شارينى .. للحزن ما يبيعني .. 

 وﻻ تبكى يوم يا وطن

وﻻ تنكسر أبداً

يا مين يمسحلى دمعتى 

و يحلى مري و مراري

يمحيلى حزنى و همومى

بالطبطبات ع الجراح 

 يمسح لى همى الكبير

ويجيبلى عمرى اللى راح

يحمينى و يصون وﻻدى 

ونهر مالوش مثيل

يا نخله فوق فى العلالى

يا شجرة الصفصاف

يا ساكنه فى الضله 

ومزينه فى ضفاف

حسبي على قلوبنا

مشبوكه وبخطاف

ياسمره و ف حضنك 

بتجملى الأوصاف

وﻻ يوم أبيع منك حتى ولو دمعه .. أصل الدموع أغلى من حلم مات لى زمان

مين يشترى روحى مين يدينى الأمان

   كلمات الشاعرة 

هالة العكرمى

ديوان كمنجه

Hala El Ekremy