انا المحروم
من الراحه وطعم النوم
وحزني فارق الفرحه
وقلبي معبي لاخره هموم
انا المكسور
في دايره في الحياه محصور
لا مال ولا جاه
يا دوب حبة كرامه وحب
وحبة صبر وطيبة قلب
ما بينهم عشت الف وادور
انا انسان
بعامل نفسي بالإحسان
واعامل غيري مثل بمثل
بسامح والقى نفسى اتهان
واقول يعني ان سكت هخس
واعديها واقول معذور
تعبت من الحياه مواضيع
حقيقي حاسسني إني بضيع
يا دنيا جريح وراضي البيع
قصاد الهم والأحزان
يوافقوا ويفسخوا التطبيع
وانا راضي
ولو على حقى حتى يجور
انا مليت
ولنهايتي انا حنيت
وبالرغم انا اتمنيت
باني اعيش
وفكرت ان انا حبيت
في لحظة طيش
لقيته حلم فجأه صحيت
وانا مقهور
وطول عمري بداوي جراح
ولا فكرت في جراحي
وكان نفسي في يوم ارتاح
انا عيشت حياتي صاحي
وكنت بموت وما اتكلمش
وكل همي ترتاحي
انا عايش ياريت ميت
عذاب النفس بيموت
مافيش مره فيها احلوت
على حلوها المر يجور
خلاص تعبت
انا م الحياه اخري جبت
كل اللي فات عليه حاسبت
لا يوم حاسبت ولا عاتبت
همي وسري في قلبي شلت
هموم ما تكفيها البحور
كل اللي عيشته كان وجع
قسوه و خداع
كل اللي اعاشره واقول جدع
يضربني 100 كرباج
من طيبتي كنت بتخدع
وحياتي طلعت زور
بحلم انام
واصحى على طلعة نهار
واخلع هدوم الليل
واخد في نفسي قرار
ولو عليا الدور
سعيد بكل سرور
كلمات
شاعر النيل بلبل عثمان
Discussion about this post