كلمات الشاعر
سامح كامل
صباحِك أمل رغم الشدايد والمحن
صباحك أمل رغم الألم
وقلوبنا اللى مليانه شجن
صباحك حنين رغم الأنين
رغم العطش لحبه عوض للشقيانين
صباحك فى لونك تزينه عيونك
صباحك فجر شروقه فى شموخك
ياصلبه وقويه ودايما عافيه
ومهما حبايبك فاتوكى يلفوا يجولك
صباحك سنابل بتطرح لينا فرحه
صباحك حياه وطوق النجاه
صباحك محنى بروحى ودمى
صباحك طريق إنتى فيه بدايتى
صباحك بيغزل حروفه أغانى وتمنى
وبيقول يابلدى داإنتى حته منى
وبعد العسر إيه غير يسر لقلوبنا
دا وعد ومسيره هينولنا
صباحك أمل رغم الشدايد والمحن
Sameh Kamel
Discussion about this post