الشاعرة منى عبد الرحمن تكتب مات الإنتظار

مات الانتظار

مات الأمل مابين شفايف الانهزام
مات الكلام
وكل حرف مشىٰ وخَطَّىٰ عَ السطور
كان أصلُه عشمان بالعبور
يجري يقابل حرف تاني حن ليه
يجدِل ضفاير كلمة كات محتاجة ليه
مات الأمل واتمرجَحِت عَ المشنقة
كل المعاني الطيبة
كان نفسها تِلقىٰ مكان فِ عيون بريئة قُرَيِبَة
كانت بتجري لاجل ماتسابق زمن
عُمر وماليه مسافات وعايمة فِ المِحَن
مات الأمل
وانا كل ليلة قلبي بيموت انتظار
يمكن يشوف النِّجمة في عِز النهار
أو تطلع الشمس بشعاعها
تنوَّر الليل بانبهار
مات الانتظار
فِ عِز طَلعِةْ طَلِّتُه
مات الأمل
فِ وقت إحساس بَهجِتُه
مات الأمل
ماااااااات

كلمات الشاعرة / منى عبد الرحمن