تدري

(( تدري ))
_____________

خضر عباد الجوعاني
تدري …….
حبك بشرياني خضر
وأحبك بكد روحي وأكثر
أظل مساهر الليل لو طيفك مر
غيرك ما أحب ولا أتحير
حبك وشم على قلبي نحفر
واظل احبك لو تصير خنجر
وأداري جروحك لو تكطع الشريان الأبهر
ونار بالجبد وتحت الضلوع تسعر
وانت تدري على بعدك ما أكدر
وعيون تهل جمر جهنم وتسعر
ضيعت بالدنيا……. ماعاد أعرف برد لو حر
مدوهس أفكر بيك…………….. بس أفتر
أريدلك الخير….
وانت تدورلي الشر
وأدريك نسيت طيبتي تذكر
انا التنخاني من جنت توكع وتعثر
وانا هذاك الماغرني الوكت من أفتر
صحيح بان الشيب
ثكل حمل متوني ونحنى الظهر
وضاع مني السمع والنظر كصر
ماغيرني الوكت شما علينا عكس وفتر
لاضيعت جلمة هلا ولاخنت ودورت شر
راح اخليك بعيوني ولجيتك أتنطر
وأظمك بحظن الجفن عسى دنياك تفتر
وكبل لاموت احظنك وأشمك ومنك اتعطر

قلمي………
الشاعر والأديب
خضر عباد الجوعاني
العراق