آن الأوان

آن الآوان
تكتب قصيدة تتوزن
على بحر موزون الكرامة
فتبان علامة
تهد أسوار الصلف
أو حتى ومضة ممكنة
على بحر مجزوء الشرف
الحر دايماً قوته
ف الحق لو كان ممتهن
أما للى للعهر إمتهن
تلقى كرباجه الوعيد
رقصة خضوع الذل
من طبع العبيد
أصل البعيد
واخد على الذل التليد
وِرد المهانة
يجى من فعل استكانة
حكمة بقاء الأقوى
ده سم مزروع ف النفوس
قابلة دايماً بالهوان
فرعون بيُصنع من حجر
أما البشر
كرمهم المولى بآيات
والحق لو يضعف ف يوم
لابد من نصر الآله
لفظ الجلالة الحق
لازم ينتصر
على كل أفعال الطغاة
……………………………
كلمات الشاعر
ماهر أبو المعاطى