#سلامات_يا_طيبة
_____________
سلامات يا طيبة
يا أم الضفاير .. سلسلة فضة
كنتي فعز الصبا
شَعرك سلاسل دهب ..
شافه النسيم .. هدّى
سأل منين الصبية ..
قالت له مصرية
رمى السلام بإحترام
فطريقه فات .. عدّى
لمحها فارس على خيله
قال .. يا ع الجمال
وألف ياااه .. إيه ده
الشمس جنبِك هتتدارى..
بلا … عودة
ولو القمر شافِك
يِنْزِلِّك .. لو ياجميل .. ترضى
بصَتْلُه بصِّة بخجل
حدفلها وردة
قال سلامات يابنت الاصول
ياللي جدودك فالأهرامات قاعدة
كلمات الشاعرة ✍️ نهلة الديب
Discussion about this post