قلبي في حبك اناني …

   بقلم الشاعرة … إيمان سعيد

(قلبي في حبك اناني)

بحبك انت سامعني 

ياريت تحس و تعذرني 

من البعد الشوق قاتلني 

افكار و ظنون تجنني 

طيفك دايما مخاصمني 

و النوم مجافيني 

تعالى يوم و صالحني 

من عيونك ماتحرمني

بقربك ياغالي فرحني 

غيابك عني جارحني 

ليه بالبعد تألمني 

لو تعرف قربك بيطمني 

ما تبعد يوم عني 

وجودك دايما بيحييني 

البعد ياروحي على عيني

ابعت لي طيفك من البعد يدفيني

قرب و العذاب نسيني 

يا فرحة عمري و سنيني 

صالحت بيك زماني 

و ضحكت لي الدنيا من تاني

كفاية بعد في الحب قلبي اناني 

اخاف في البعد تنساني 

اتعذب في وحدتي و احزاني 

   بقلم الشاعرة … إيمان سعيد