كلمات الشاعر
عبد الرحيم على
قالى كلام …
_______
قالى كلام ولا كان على بالى
خدنى لدنيا ما باعرفهاش
شوق ومحبة ما باعرف مالى
قلبى معاه سافر ولا جاش
قالى كلام فى الهوى خلانى
سيبت الكون وفارقت كيانى
فيه احلام وحكم واغانى
دا اللى ماحب فى عمره ما عاش
فيه انغام وهنا وحِنّية
وكلام طار القلب معاه
وانا طول عمري سليمة النية
اصل الدنيا ما باعرفهاش
سألوا الناس قلبى اللى اتغيّر
قال فى غرام الشوق متحّير
مين فى الحب يا ناس متخيّر
مين فى غرامنا ما صدقناش
مين فى الحب اختار أيامه
مين فى الحب ماحدش لامه
داحنا زمان الشوق وغرامه
واحنا القلب اللى ما ينساش
كلمات الشاعر
عبد الرحيم على
Abdelrahimaly
Discussion about this post