حـــب مـــوت،،،،

حـــب مـــوت،،،،

كلمات الشاعر
محمد المصرى

لما تيجي تحكي عني
أحكي عني بأعلى صوت
اللي كان لي حتة مني
حبه لية … حب موت
أحكي أوعي تخبي حاجة
أحكي قولي كل حاجة
خلي كل الدنيا تعرف
اللي راح كان كل حاجة
فاكرة قلبي يوم ماشافك
قبل حتى ما تهوى عيني
يومها قالي هية دية
اللي بكرة هتراعيني
واللي رغم القسوة فية
هتراضيني
واللي بيها رايح أكمل
نُص ديني
عشتي بية وعشتي فية
وكنتي لية كون بحاله
وانكتب ع القلب إنه
ينسى بيكي اللي جراله
وابتدينا بداية صعبة
بس كانت سهلة بينا
أيوة كانت حلوة بينا
واتعاهدنا ع المحبة
واتواعدنا بالمودة
وإن سألتي الدنيا عنا
راح تقولك أيوة شاهدة
شاهدة إنه رغم ضعفه
كان بيقوى لجلك إنتي
شاهدة إنه ماحب غيرك
وإن عمرِك يوم ما هنتي
وان سعد القلب يكٔمل
ويا أطيب قلب شوفته
وإن حلمت بدنيا أجمل
مش هتوصل للي عشته
” كات أحلامي أكبر مني
تسبق عمري وتسبق سني
وتعوضني عن الحرمان
وتفكرني بعهد زمان
وتنَسِّيني إن أنا إنسان
أكبر حلم ف عمره .. تمني ”
واما تيجي تحكي عني
إحكي للي بيفتكرني
واللي يقسىٰ قوليله إني
حبي ليه كان حب موت
وأحلفلهم مش بأيدي
بُعدي عنكم مش بأيدي
بلغي دمي ف وريدي
اللي خدني منكو موت
لما تيجي تحكي عني
أحكي عني بأعلى صوت
اللي كان لي حتة مني
حبه لية ….. حب موت

كلمات الشاعر
محمد المصرى

Mohamed El Masry