انت في قلبي

انت الي سكنتي في قلبي

انت الحاضر و الّي فات

حبّك في جاشي متخبّي

كاينّو في البدايات

مع حبّي تحلا السهريّة

كاس التّاي و كاكاويّة

شمعة مركوزة مِضويّة

و ضحكتنا و اللّيلة زهات

انت الي سكنتي في قلبي

انت الحاضر و الّي فات

حبّك في جاشي متخبّي

كاينّو في البدايات

كنّا صغار و كان و كان

نحكيو ذكريات زْمان

نشوفو الدّنيا بالالوان

نعيشو الماضي الّي فات

انت الي سكنتي في قلبي

انت الحاضر و الّي فات

حبّك في جاشي متخبّي

كاينّو في البدايات

ما تقلّيشي رانا كبرنا

عدّينا محاين و صبرنا

تعبنا و خربشنا و حفرنا

باش نعيشو اللّيّامات

انت الي سكنتي في قلبي

انت الحاضر و الّي فات

حبّك في جاشي متخبّي

كاينّو في البدايات

و كيف كبرنا شنوّة تغيّر

حبّك بكليمة يتحيّر

و عل مِحبّة شنوّة تخيّر

راك ديما للّة البنات

انت الّي سكنتي في قلبي

انت الحاضر و الي فات

حبّك في جاشي متخبّي

كاينّو في البدايات

ما تنفعش محبّة جديدة

و انت الي سكنتي الكبيدة

بغرامي كتبت القصيدة

و نهديلك هالكلمات

انت الّي سكنتي في قلبي

انت الحاضر و الّي فات

حبّك في جاشي متخبّي

كاينّو في البدايات

الشّاعر التّونسي

الحبيب المبروك الزيطاري

2/1/2023