رحلة صعود القلب ف الملكوت
ذادت وتيرة سرعتها وانحلت
على سيف جناح الصبر كات رحلة
خلصت معاها ليالى ويا أيام
وطريق صمود بالرحلة ليه ما لقيت
لما دعيت القلب يتحمل
قالوا الدموع جوة بنن العين
زى انشطار دوامة الأحلام
غمض عينيك واسكت عن الغمة
يمكن طلوع الشمس يكشفها
زى انفلاق الصبح بعد الليل
يرفع شراع الضى من ضلمه
عشش علينا ليل باوجاعه
وزاد القلب رعشة من دفقة
سريان الدم بالشريان
غلطة وقسمة ضهر مراكبنا
غرقت حمولة عزنا ع البر
لامت علينا ونعقت الغربان
لما رمينا أحلامنا ف الوديان
طار الحمام وفات بنانينا
ولاف على بنية الكداب
صدق اللى قال علينا خلاص
ضاعت هيبتنا واتبدلت الأحوال
كلمات الشاعرة
عزه السعدنى
Discussion about this post