مش بريئة

ليه سرقتي القلب مني بالخداع
كنتي قولتي من البدايه
إن قلبك كان مشاع
كان بينزف ألف دقه
ف الدقيقه
كان بيجرح آه بحرقه
أيوه قولي دي الحقيقه
صدقيني انا قلبي غادرك
أيوه فاق من جرح غدرك
وانك انتي رغم قدرك
مش بريئه

كنتي حاولي ف مره تأسي
واكسريني
عيشيني ليالي يأسي
ودمريني
ليه زرعتي الشوق ف دربي
والأماني جوا عيني
كنتي خلي بس قلبي
يحس مره
إنك انتي بتخدعيني
وارمي اعنف طعنه مره
جوا قلبي واقتيليني
كدب كان مرصوص وباين
شكله كان شكل الحقيقه

كنتي ليه ع الحب باقيه
وعشتي فيه
خادتي قلبي زي ساقيه
ودورتي بيه
طاب قوليلي أخدتي إيه
ليه كسرتي القلب ليه
مانتي كان حواليكي غيري
وكنتي عايشه الحب بيه
كنتي قادره ف يوم تطيري
ف حضن غيري وتعشقيه
ليه علي اللي يصون هواكي
وعاش معاكي تخنقيه
إنتي إيه
صدقيني إنتي قادره
وقلبك المضحوك عليه
نبضك الزايف بيكدب
وانتي كنتي تصديقه
……..صدقيني
هي دي كل الحققيقه

كلمات الشاعر
نسيم الزراع