كلمات الشاعرة
نيفين الطويل
انا بت سكر
دمي بيبسي عصير
وعاشرت خلق ف منتهى الإحباط
قلبي الصغنن
بتلاغيه العصافير
عقلي المدئرم
ينسحب ف سكات
طبع الطيور الصبح عاوزة تطير
والنونو قلبي يروح داببها عياط
عقلي المدئرم يحبس العصافير
ويروح عاصرهم دبح ف الخلاط
ويلاغى قلبي ب شوب صبر كبير
ويقوله بس اتهد واد زياط
تقولى عشتى؟
ااقول فرحت كتير
وقلبت كل الحزن لانتصارات
طب انت خايفه؟
الخوف ف حدة
مهم للتغير
والوحدة سلم والأمان درجات
طب حد حبك؟؟
يووووووة
اتعشقت كتير
بس المصيبه حلاوة البدايات
طيب عشقتى؟
عشقت وهم خطير
بعشق ف كل نصوصى ده الاثبات
انت انجرحتى؟
ابدا مفيش تأثير
نسيت ااقولك
قلبي خف ومات
كدابه عايشه؟
بتبانى ست بتنطلق وتطير!!
أيوة وبحلق وأفرد الجناحات
ملضومه بتوجع بموت وبطير
بس المهم بحط كلى ثبات
طب يعنى قادرة؟؟
قادرة وبعافر
ااقرا فالتفاسير
مفيش ف صبر الحرة ف الستات
طب فين قرايبك؟
بص الغرابه
برغم فيا الخير
ما اعرفش ليه الكل سابني ومات
الكل سايبك؟
مش بيوجع غير
امى وابويا وهيه والأخوات
شكلك تعبتي؟
مع كل شكة واهه ستر وفير
ربك بادلنى جبال من الكرامات
طيب كبرتى؟؟
ياشيخ بزمة لو انت راجل فير
شفت ف حلاوتى ف واحدة م الشاعرات؟؟
مغرورة ولا؟
الشعر له تأثير
والقافيه حكمت
كلهم قمرات
كلمات الشاعرة
نيفين الطويل
Discussion about this post