كلمات الشاعرة
عزه السعدنى
قولوا معايا بسم الله
على أمة م الكلمة آه
بسم الله على شعب اتدمر
وعلى ساكن من بيته اتهجر
وعلى شجرة نشفت أوراقها
من قبل ما تطرح وتزهر
بسم الله على أم حزينة
وعلى أولاد ماتت بمدارس
على كلمة للحق بقولها
فين هتلاقى غير ربنا حارس
بسم الله والبيت هجروه
بعد ما تعبوا ياناس وبنوه
بسم الله والاقصى بيصرخ
انجاس بجزمهم دخلوه
بس الصورة بكرة هتتبدل
لما أدان الحق ينادى
والأشجار هتقولك أهوه
جنس جبان وما ليهم ملة
ولا عهد ليهم يصونوه
بسم الله ربك له حكمة
علشان تظهر بعد الضلمة
أشعة فجر ونور تشوفوه
ربنا قادر خليك فاكر
إوعى تظن ف يوم مش ساهل
على ربك بلحظة تتوه
ف بحور رحمة ملهاش آخر
والاجرام ف الدنيا يروح
لسه يأمة بنفسها جاهلة
فاضل تكة وكله يروق
بعد جراح وآلام ودموع
بسم الله على عين سهرانه
على فكره ف دماغ حيرانه
على كلمة حق بنكتبها
بس بدمع العين كويانا
على ليل طول وملوش أول
بعد دموع بنهار حرقانا
على أطفال تحت الأنقاض
وجراح ياما وياما وياما
بسم الله على أم شهيد
كان مستنى ييجى العيد
علشان يفرح قلبه بزوجة
تلبس توب الفرح جديد
بس رصاص الغدر الخاين
قتل الفرح وبقبر سابوه
بسم الله على صحفى بيكتب
ولا بيكشف كل بلاهم
ييجى الغدر بلحظة يقوله
أدى عيلتك ياحلو قتلناهم
بسم الله وطبيب سهران
بيطبطب على العيان
بإيديه ماسك قطن وشاش
بيساعد تشفى الأحزان
صدمة كبيرة لما يلاقى
كل ولاده بالأكفان
بسم الله يارب الصبر
هنقول إيه ولا ألف قصيدة
راح تكفى وصف الطغيان
قولوا معايا بسم الله
يمكن تسكن بيها الآه
كلمات الشاعرة
عزه السعدنى
Discussion about this post