كلمات الشاعر
المهندس / إسماعيل منصور
خايف تغضب …
** قلبك دهب
وإيدك
من صخور الجبال منحوتة
** تبتسم
بسمتك تسعد قلوب مجروحة
** تحزن
تندفن صرختك جواك مبحوحة
** وإن يوم
علا صوتك بموال الحزن
تبكي الحجارة حواليك
بنبرة مجروحة
**
وخايف عليك
خايف يغيرك العذاب
أو غدر ناس خاينة
إتمدت لها بالحياة في يوم إيديك
**
خايف عليك
خايف على قلبك تغيره الأيام
وينكسي بالمر
من فعل ناس حواليك
**
خايف تغضب
وغضبك … كفن أسود
لكل من سعي بالشر
في يوم إليك
**
خايف تغضب
وفي غضبك
نار وجحيم
فيه يختفي .. كل من يعاديك
**
خايف تغضب
ترد علي الخاين خيانته
وإنت مخلص .. حتي في خيانتك
ها تدمي ألف قلب حواليك
**
خايف تغضب
يصير عرقك .. خمرة
تسكر هوا
بيهب حواليك
**
خايف تغضب
يجوع يتيم
في يوم نصرته
ومن ظلم البشر … هب إليك
**
خايف تغضب
يسيل الدم
ويصبح بحور
تجري ما بين إيديك
**
خايف تغضب
تلقي النسا حواليك
دمي جميلة … متزينة
ومتزيفة
وفي قلبها .. كره إليك
**
خايف تغضب
تتخنق
زي طير في السما
فقد جناحه .. وهوي
علي الأرض سقط
صرخ
وما وصل صوته إليك
****
** إرجع
لسه قلبك من دهب
وعرقك
جمعته زهرة جميلة
صنعته عطر
وأهدته … تاني إليك
** إرجع
لسه قلبك من دهب
وبتسعد
كل القلوب حواليك
كلمات الشاعر
المهندس / إسماعيل منصور
