رحتِ خدتِ حتة منى
رحتِ خدتِ حتة منى …
ضحك سِنى
كل حاجة حلوة كات بيكِ ومعاكِ
خدتِ روح منزوعة مني
ومعجونة حبة ذكريات
يابشر يشبه ملاك
سيبتِ نوح ودموع …
وعيال تلاتة
العمر كله يبكوه عليكِ
كنتِ شمعة تتحرق
لجل تهدي حياتنا ضى
كنتْ حى بتنفسك
وأحيا ف وجودك
وبيكِ وليكِ كنت حي
ياأحلى صبية ف حينا
ياضحك البنات
ياأصل كل مبتدأ
دلوقتى نفسى أسألك ….
هو مين فينا اللى مات
وحشتيني يانور عيني
كلمات
الشاعرة رضا عبدالوهاب
