سعيد ساسي يكتب النخلة

…… النخله ………
النخله قالت للنسيم
احلا الكلام
انغام بتروى العاشقين
سحر وغرام
تتباهى بظلالها
وتحكى ع. الملأ
قصة غرام
مكتوبه من نور. ع الورق
متعلقه بسعفها الاخضر
طايره فوق
ويا أسراب اليمام
توبك. حرير
مغزول بنعمة ربنا
لو شفتها
هتقول عليها اميره
ماسكه ف إيد امير
سبحانه جل علاه
رب الكون
قال فى نداه
لام المسيح مريم
ياطاهره لاتخافى
( هزى بجزع النخلة)
يتساقط الرطب الجميل
محلاه
( ومن النخل من طلعها قنوان دانيه)
قالها صريحه
فى سورة الأنعام
إحكى وقول عنها وردد حسنها
عن ذكرها
عن ثمرها الصنوان
( طلع وقطمير ورطب )
زانه الطعم الجميل
بروضه وجنان
قدسية انتى
لاعناق الفضا
مرفوعة الرأس ترفرف عندما
يروى الجريد
قصيدة العشق الجميل
يرويها جيل ورا جيل
ويرددوا. الانغام
يانخله ياأم العز
ربى يحرسك
وتدوم عليكى نعمته
ياعطيه م الرحمن
ياعطيه نور وأمان

كلمات / الشاعر سعيد ساسى