محمد جمعة يكتب عشانك

…….
عشانِك
*******
عشانِك دوستها مشاوير
و عشتِك روعة في الأساطير
مكانِك قصر جوايا …..
من المرمر … ستايره حرير

بقيت للحلم و يوماتي ….
فريسه لمر أناتي
اسير للحب في حياتي
غالبني الشوق بدون تفسير

طويت في الصحرا اوجاعي
بقيت مندوه بدون داعي
لا انا عارف لإمتى و فين
و لا عارف لقلبي مصير

سقاني الهجر صباري
وعشت ب شوقي و ب ناري
ب انازع في الحشا بعضي
و بعضي في هواها هدير

عصاني النوم و جلاني
و قهر السهد أضناني
بقالي يا خلق إيه تاني
بقيت شارب عذابي عصير

يا طول الليل وانا صاحي
بعِد نجومي صباحي
لحد ما طق مصباحي
و انا تايه من التفكير

سمعت ف وعدها برقي
لمست ف قربها شرقي
إذا غابت يزيد قلقلي
و عقلي في هواها أسير
***********************
كلمات الشاعر / محمد جمعة

Mohamed Gomaa