كلمات الشاعر
محسن عبد العليم سلام
قـــــرار
=====
وياما ناس كتير منا
محتاجه تاخد قرار
إن كان راجل أو ست
بس الجميع محتار
مغلوب على أمره
ومفيش بايده خيار
الكل راضى ومستنى
لحظه ياخد قرار
*****
فيه ناس كتير راضيه
وعيشتها بجد مرار
وأنا بصراحه بستعجب
من عيشة ناس كتار
عايشين تملى فى ألم
والحاكم كمان جبار
بس النصيب غالب
ومفيش بايدنا خيار
*****
الكل صابر راضى بحياته
مستنى اى انذار
وغصب عنه مكمل
لو حتى كان في النار
مستنى يوم الهم يرحل
ويكون هناك أى مسار
ويعيش يومين مرتاح
ويلغى أى قرار
*****
ادعوا معايا وقولوا
ارحمنا يا جبار
من ناس قليلة الأصل
وناس كتير أشرار
صبرنا وطال صبرنا
وعشمنا فى الغفار
يجزينا على صبرنا ـ الجنه
ويجعلنا من الأبرار
====================
كلمات الشاعر
محسن عبد العليم سلام
Discussion about this post